رسول اکرمﷺ بحیثیت خسر

گھر کے ماحول کو خوش گوار رکھنے میں خسر کا کردار بہت بڑا اور اہم ہوتا ہے، گھر والوں کو بھی چاہیے کہ وہ خسر کے مقام و مرتبہ کو پہچانیں

 

 

اللہ تعالیٰ نے جن و انس کو اس لئے پیدا کیا کہ وہ اُس کی بندگی کریں۔بندگی کا تقاضا یہ ہے کہ انسان اللہ اور بندوں کے حقوق ادا کرے۔ان حقوق کی ادائیگی جنگلوں یا غاروں میں رہ کر نہیں ہو سکتی بلکہ اس کےلئے انسانوں کے درمیان رہنا ہو گا اور انسانوں سے رشتہ داریاں اور دوستیاں قائم کرنی ہوںگی۔رشتوں میں اہم رشتہ ازدواجی تعلق ہے۔اس سے خاندان کی ابتدا ہوتی ہے جو اولاد کی پرورش، دیکھ بھال اور تعلیم و تربیت کا اہتمام کرتا ہے۔والد کی شفقت اورماں کی محبت ایسی نسلیں تیار کرتی ہے جو زندگی کا بار اٹھانے کی صلاحیت رکھتی ہیں، معاشرے کےلئے مفید ہوتی ہیں ۔ اچھی تربیت انھیں ہر میدان میں تعمیر و ترقی کی راہ پر گامزن کرتی ہے ۔ ان کی اعلیٰ اخلاقی اقدار کی جانب رہنمائی کرتی ہے اور مذموم صفات سے دور رکھتی ہے، نیز اخروی دائمی زندگی کےلئے صالح اعمال کرنے کی ترغیب دیتی ہے۔چھوٹے بچے ماں باپ کو دیکھ کر ان سے سیکھتے ہیںکیونکہ وہ کتابی سبق حاصل کرنے کی صلاحیت نہیں رکھتے۔خاندان معاشرے کی بنیادی اکائی ہے۔ وسیع ترخاندان میاں بیوی بچوں، والدین اور سسرالی اقربا پر مشتمل ہوتا ہے۔اللہ تعالیٰ کا ارشاد ہے

اور وہی ہے جس نے پانی سے ایک بشر پیدا کیا، پھر اس نے نسب اور سسرال کے دو الگ سلسلے چلائے۔ تیرا رب بڑا ہی قدرت والا ہے۔(الفرقان 54)۔ 

 

جس گھر میں شادی شدہ جوان بیٹے موجود ہوں وہاں سربراہِ خاندان اپنے بیٹوں کی بیویوں کےلئے خسر کی حیثیت رکھتا ہے۔خسرکا اہم کام یہ ہوتا ہے کہ وہ سب کو جوڑے رکھے اور سب کے ساتھ رشتہ داری نبھائے ۔امر بالمعروف و نہی عن المنکر کا اہتمام کرے اور سارے خاندان کو اسلام پر چلائے۔خسر کی کئی اقسام ہوتی ہیں۔ان کو جاننا ضروری ہے ، تاکہ مناسب رویہ اختیار کیا جاسکے اور خاندان کو خوش گوار زندگی میسر آسکے۔

 

اس قسم کا خسر سمجھ دار ہوتا ہے ، ساس بہو کے درمیان در پیش مسائل کو حل کرتا ہے ، گھر میں امن قائم رکھتا ہے اور گھر کے ما حول کو خوش گوار بنانے کی کوشش کرتا رہتا ہے۔

 

اس قسم کا خسر اپنی دنیا میں مگن رہتا ہے۔گھر میں کیا ہورہا ہے اس پر دھیان نہیں دیتا۔اس طرح کے سربراہ کی بے بنیادی سے خاندان میں بہت مسائل پیدا ہوتے ہیں اور گھر کا ماحول پر ا گندہ ہوسکتا ہے۔

 

اس قسم کا خسر اپنی باتوں کے ذریعہ سب کو خوش رکھنے کی کوشش کرتا ہے۔گھر میں تصفیے توکرتا ہے مگر فیصلے نہیں کرتا۔ وہ مرد کا رول ادا کرنے سے قاصر رہتا ہے۔

 

اس قسم کے خسر گھر کا بہت ساکام خود کرتے ہیں ، محنت کرتے ہیں ،گھر کے کاموں میں مدد کرتے ہیں ، مثلاً کپڑے دھونا اور استری کرنا وغیرہ مگر یہ گھر کے معاملات میں فیصلے کرنے سے قاصر رہتے ہیں۔ 

 

اس قسم کا خسراپنی اہلیہ پر انحصار کرتا ہے گویا اس کی بیوی کامل عورت ہے۔گھر کے سارے معاملات ساس کے قبضے میں ہوتے ہیں۔ایسے گھر میں بہو کی کچھ نہیں سنی جاتی۔

 

اس طرح کا خسر اپنی ہر بات منوانا چاہتا ہے۔چھوٹی چھوٹی باتوں میں دخل دیتا ہے۔ ہر معاملے میں اپنی چلاتا ہے ۔ کوئی مصالحت نہیں کرتا۔

 

مثالی سربراہ ایسا ہو جو گھر کے فیصلے بیوی ، بیٹے اور بہو کے مشورے سے طے کرے۔ بہو بھی اس خاندان کی ممبر ہے۔ اسے ممبرسمجھنا چاہیے۔دوسری طرف ساس کے منصب کا تقاضا ہے کہ اس کا احترام کیا جائے۔خسر کو چاہیے کہ وہ ہر ایک کا خیر خواہ ، ہمدرد اور رحم دل ہو۔ سب پر مہربان ہو۔ اچھے کاموں کی تعریف کرتا ہو۔ کوشش کرے کہ گھر کے اندر سب کے تعلقات آپس میں درست رہیں۔ عیب جوئی ، غیبت، الزام تراشی اور بدگمانی کو روکا جائے ۔ بہو کو ا±س کا حق دلوایا جائے ۔ایک صحابی (حضرت عمرو بن العاصؓ) نے دیکھا کہ ان کا بیٹا اپنی بیوی کی حق تلفی کر رہاہے تو انھوں نے بیٹے کی شکایت اللہ کے رسول سے کی۔ خسر کو چاہیے کہ اپنی بیٹی کے سسرال والوں اور داماد کا شکریہ بھی ادا کرے اور موقع کی مناسبت سے تحفہ تحائف بھیجا کرے ۔ 

 

رسول اللہ کی صاحب زادی حضرت زینبؓ آپ کے چچازاد بھائی حضرت ابوالعاصؓ کو بیاہی ہوئی تھیں۔ غزوہ بدر میں وہ کافروں کی فوج کے ساتھ آئے تھے ۔ قید کرلئے گئے ۔ حضرت زینبؓ نے فدیہ میں وہ ہار بھیجا جو اللہ کے رسول نے حضرت خدیجہؓ کو دیا تھا ۔آپنے صحابہ سے مشورہ کے بعد حضرت ابوالعاصؓ کوچھوڑ دیا اور ہار بھی واپس کردیا مگر ان سے کہا کہ وہ زینبؓ کو مدینہ بھیج دیں۔ ابوالعاصؓ نے ویسا ہی کیا (مسند احمد)۔ 

چند برسوں کے بعد سیدنا ابوالعاصؓ ایک تجارتی قافلے کےساتھ تھے کہ مسلمانوں نے ان کو پکڑ لیا اور مدینہ لے آئے ۔ اللہ کے رسول نے اپنی بیٹی سے فرمایا 

ان کی اچھی طرح خدمت کرو۔

 اللہ کے رسولنے ابوالعاصؓ کو ان کے مال کے ساتھ مکہ بھیج دیا ۔انھوں نے لوگوں کو ان کا مال لوٹا دیا ، پھر اپنے قبول اسلام کا اعلان کردیا اور مدینہ آگئے۔یہ اللہ کے رسول کے حسن اخلاق کا نتیجہ تھا (مشکٰوة شریف)۔

 

حضرت عثمان ؓ اور اللہ کے رسول کا رشتہ داماد اور خسر کا تھا ، جو بہت نازک بھی تھا اور بہت مضبوط بھی۔ آپ کی 2صاحبزادیاں یکے بعد دیگر ے ان کے نکاح میں آئیں۔ جب حضرت ام کلثوم ؓ کا انتقال ہوگیا تو اللہ کے رسول نے فرمایا 

اگر میری تیسری بیٹی ہوتی تو میں اسے بھی عثمان ؓ سے بیاہ دیتا (مشکٰوة شریف) ۔

ابن اثیر میں ہے کہ آپ نے فرمایا

 ایک بعد ایک اگر میری 40 بیٹیاں ہوتیں تو انھیں عثمان ؓ سے بیاہ دیتا ۔

حضرت علیؓ کی پرورش اللہ کے رسول کے گھر میں ہوئی۔وہ آپ کے چچازاد بھائی اور داماد تھے۔ ان کے ساتھ بھی اللہ کے رسول کا بہت گہرا لگاو¿ تھا اور آپ بہت حسن اخلاق سے پیش آتے تھے،جیسا کہ ایک حدیث میں آیا ہے کہ حضرت سہل بن سعد نے بیان کیا کہ رسول اللہ (ایک مرتبہ) حضرت فاطمہؓ کے گھر تشریف لائے تو آپ نے گھر میں حضرت علی ؓ کو موجود نہ پایا۔ آپ نے بیٹی سے دریافت فرمایا : اے فاطمہ! تیرے چچا کا بیٹا کہاں ہے؟ 

 حضرت فاطمہؓنے عرض کیا : میرے اور( حضرت )علیؓکے درمیان کچھ گفتگو ہوگئی ہے، جس کی وجہ سے وہ غصہ میں آ کر باہر نکل گئے، جس پررسول اللہ نے ایک شخص سے فرمایا 

علی ؓ کو دیکھو وہ کہاں ہیں؟ 

وہ آدمی (دیکھ) کر آیا اور عرض کیا : اے اللہ کے رسول! ( حضرت ) علیؓ مسجد میں سو رہے ہیں۔ اسی وقت رسول اللہ (مسجد میں) حضرت علیؓ کے پاس تشریف لے گئے ۔ حضرت علیؓ لیٹے ہوئے تھے اور ان کی چادر اُن کے پہلو سے ہٹ گئی تھی اور ان کے جسم کو مٹی لگی ہوئی تھی تو رسول اللہ نے حضرت علیؓکے جسم سے مٹی صاف کرنا شروع کردی اور فرمانے لگے

ابوتراب! اٹھ جاو¿، ابوتراب اٹھ جاو¿(صحیح مسلم )۔

گھر کے ماحول کو خوش گوار رکھنے میں خسر کا کردار بہت بڑا اہم ہوتا ہے۔ گھر والوں کو بھی چاہیے کہ وہ خسر کے مقام و مرتبہ کو پہنچا نیں، اس کی ہدایات کو اہمیت دیں۔