سعودی عرب میں کارسازی کا نیا منصوبہ

ریاض۔۔۔۔سعودی عرب میں کار سازی کا نیا منصوبہ شروع کئے جانے کا امکان ہے۔ایشیا، یورپ اور امریکہ کی عالمی کمپنیاں سعودی مارکیٹ میں گاڑیوں کے منصوبے قائم کرنے کیلئے کوششیں کررہی ہیں۔ ذرائع کے مطابق کارسازی کے حوالے سے مختلف پہلوؤں کا جائزہ لیا جارہا ہے۔ فاضل پرزوں اور گاڑیوں کے ٹائر تیار کرنیوالی فیکٹریاں قائم کرنے کی بات بھی ہورہی ہے۔ سعودی عرب کو عالمی سطح پر کارسازی میں بڑا حصہ ملے گا۔سعودی عرب میں کاروں اور ٹرکوں کا استعمال بڑے پیمانے پر ہورہا ہے۔ 2020ء تک نئی گاڑیوںکی تعداد 10لاکھ تک پہنچ جائے گی۔ ٹرکوں کی طلب بھی بڑھے گی۔