’’آدمی بلبلہ ہے پانی کا‘‘

******************** ************************************************************************

* *

مسزدمپخت

* * *

’’آدمی بلبلہ ہے پانی کا‘‘

ڈر ہے کیوں تم کو اپنے ’’جانی‘‘ کا

تم میاں کو نکیل ڈال رکھو

قول ہے یہ کسی سیانی کا

مجھ سے بولی پولِس کہ کون ہے یہ

ہم قدم ہے یہ کیوں زنانی کا

سن کے برہم ہوئی،کہا میں نے

یہ ہے شوہر مری ممانی کا

بیوی اپنے میاں کی پہلی ہوں

غم نہیں کوئی زندگانی کا

آدھی تنخواہ مجھ کو دیتا ہے

شکریہ اس کی مہربانی کا

ہوگئی دھاندلی الیکشن میں

ووٹ بدلا گیا کیانی کا

پھر عدالت تلک گئی میں بھی

خوب پیچھا کیا ’’ٹوانی‘‘ کا

وہ تھی حیران ہو گیا کیسے

دودھ کا دودھ ،پانی پانی کا

ماں کے کہنے پہ ڈاکٹر میں بنی

کام اچھا تھا مہترانی کا

میں تو اب انتخاب’’ کھیلوں‘‘گی

زور دکھلاؤں گی بیانی کا

عورتوں کی وزیر بن جاؤں

یوں ہو انجام اس کہانی کا