آکلینڈ... جنوبی افریقی اسپنر عمران طاہر ٹی 20کرکٹ میں وکٹوں کی تیز ترین نصف سنچری مکمل کرنےوالے دوسرے بولر بن گئے ۔ عمران طاہر نے اپنے 31ویں میچ میں یہ سنگِ میل عبور کیا ۔ نیوزی لینڈ کے خلاف پہلے ٹی 20میچ میں ان کی 5وکٹیں انہیں اس اعزاز کا مالک بنانے کا سبب بنی ۔ ٹی 20کی تاریخ میں تیز ترین 50وکٹیں سری لنکن بولر اجنتھا مینڈس نے حاصل کی تھیں جنہوں نے 26میچوں میں یہ کارنامہ انجام دیا تھا ۔ عمران طاہر نے ٹی 20کرکٹ میں اپنی وکٹوں کی تعداد 54تک پہنچا دی جبکہ جنوبی افریقہ کے سب سے کامیاب بولر ڈیل اسٹین ان سے 4وکٹیں آگے ہیں ۔ عمران طاہر حالیہ سیریز میں انہیں پےچھے چھوڑ سکتے ہیں ۔