’بلامقابلہ انتخاب کی روایت اچھی ابتدا ہے‘، نومنتخب وزیراعلٰی بلوچستان سرفراز بگٹی
سنی اتحاد کونسل نے محمود خان اچکزئی کو صدارتی امیدوار نامزد کر دیا
عوامی مینڈیٹ کے تحفظ کے لیے جمہوری اور سیاسی راستہ اختیار کیا جائے گا، بیرسٹر گوہر
مشکل اصلاحات اور آئی ایم ایف سے مذاکرات، نیا وزیر خزانہ کون ہو گا؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیراعلٰی بلوچستان میر سرفراز احمد بگٹی نے حلف اٹھا لیا
وزیراعلٰی بلوچستان میر سرفراز احمد بگٹی نے اپنے عہدے کا حلف اٹھا لیا ہے۔
اس سے قبل میر سرفراز احمد بگٹی 41 ووٹ لے کر وزیراعلٰی بلوچستان منتخب ہوئے۔
وزیراعلٰی بلوچستان کے انتخاب کے لیے پاکستان پیپلز پارٹی، پاکستان مسلم لیگ (ن)، بلوچستان عوامی پارٹی سمیت اتحادی جماعتوں کے اراکین نے ووٹ دیا۔
خیبر پختونخوا میں بھرتیوں پر پابندی عائد
خیبر پختونخوا کے وزیراعلیٰ علی امین گنڈاپور نے عہدہ سنبھالنے کے بعد پہلا حکم نامہ سرکاری محکموں میں بھرتیوں پر پابندی کا جاری کیا۔
خیبر پختونخوا حکومت کی جانب سے جاری کردہ بیان میں کہا گیا ہے کہ تمام بھرتیوں پر فوری پابندی عائد کر دی گئی ہے۔
’وزیراعلیٰ نے گزشتہ برس یکم فروری سے لے کر رواں سال 29 فروری تک کی گئی تمام سرکاری بھرتیوں کی تفصیل ایک ہفتے میں طلب کی ہیں۔‘
وزیر اعلیٰ خیبر پختونخوا علی امین گنڈا پور نے حلف اٹھا لیا
نو منتخب وزیر اعلیٰ خیبر پختونخوا علی امین گنڈا پور نے عہدے کا حلف اٹھا لیا۔ گورنر خیبر پختونخوا حاجی غلام علی نے حلف لیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خواجہ محمد آصف قومی اسمبلی میں ن لیگ کے پارلیمانی لیڈر
پاکستان مسلم لیگ ن نے سینیئر سیاست دان اور سیالکوٹ سے قومی اسمبلی کے رکن خواجہ محمد آصف کو قومی اسمبلی میں پارٹی کا پارلیمانی لیڈر نامزد کیا ہے۔
دھاندلی کے خلاف احتجاج، لاہور میں پی ٹی آئی رہنما گرفتار
لاہور میں دھاندلی کے خلاف احتجاجکے دوران پی ٹی آئی کے رہنما میاں شہزاد فاروق اور حافظ نعمان کو جی پی او چوک سے گرفتار کرلیا گیا۔ دونوں نے مریم نواز اور علیم خان کے خلاف الیکشن لڑا تھا۔
شہباز شریف کے خلاف الیکشن لڑنے والے امیدوار افضال پاہٹ کو بھی پولیس نے گرفتار کر لیا۔
اسلام آباد پریس کلب کے باہر پی ٹی آئی کا احتجاج
انتخابات میں مبینہ دھاندلی کے خلاف احتجاج کے لیے پی ٹی آئی کے کارکن اسلام آباد پریس کلب کے باہر جمع ہونا شروع ہو گئے ہیں۔
پریس کلب کے باہر پولیس کی بھاری نفری بھی تعینات ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزارت عظمیٰ کے لیے شہباز شریف اور عمر ایوب کے کاغذات نامزدگی منظور
وزارت عظمیٰ کے لیے شہباز شریف اور عمر ایوب کے کاغذات نامزدگی منظور کر لیے گئے۔
شہباز شریف کے لیے 8 جبکہ عمر ایوب کے لیے 4 کاغذات نامزدگی جمع کرائے گئے۔
وزارت عظمیٰ کے کاغذات نامزدگی سیکریٹری جنرل قومی اسمبلی طاہر حسین نے وصول کیے۔
اس موقع پر سپیشل سیکریٹری قانون سازی قومی اسمبلی محمد مشتاق اور اسپیشل سیکریٹری سید شمعون ہاشمی بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عوامی مینڈیٹ کے تحفظ کے لیے جمہوری اور سیاسی راستہ اختیار کیا جائے گا، بیرسٹر گوہر
پاکستان تحریک انصاف کے رہنما بیرسٹر گوہر علی خان نے کہا ہے کہ عوامی مینڈیٹ کے تحفظ کے لیے ہر ممکن قانونی، جمہوری اور سیاسی رستہ اختیار کیا جائے گا۔
سنیچر کو بیرسٹر گوہر نے ٹویٹ کیا کہ بانی چیئرمین عمران خان کی کال پر آج ملک بھر میں مختص کیے گئے مقامات پر نہایت بھرپور انداز میں پرامن احتجاج کیا جائے گا۔
’عوام سے اپیل ہے کہ اپنے ووٹ کی حرمت اور مینڈیٹ چوروں سے اپنا مینڈیٹ واپس نکلوانے کے لیے نکلیں اور اس پُرامن احتجاج میں شریک ہوں۔‘
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بلوچستان اسمبلی کا اجلاس، میر سرفراز بگٹی وزیراعلٰی منتخب
میر سرفراز احمد بگٹی 41 ووٹ لے کر وزیراعلٰی بلوچستان منتخب ہو گئے ہیں۔
وزیراعلٰی بلوچستان کے انتخاب کے لیے پاکستان پیپلز پارٹی، پاکستان مسلم لیگ (ن)، بلوچستان عوامی پارٹی سمیت اتحادی جماعتوں کے اراکین نے ووٹ دیا۔
نیشنل پارٹی اور جمعیت علمائے اسلام بلوچستان کے اراکین اسمبلی نے رائے شماری میں حصہ نہیں لیا۔
سنی اتحاد کونسل نے صدارتی امیدوار کے لیے محمود خان اچکزئی کو نامزد کر دیا
