وزیراعلٰی سندھ سید مراد علی شاہ سے متحدہ عرب امارات کے قونصل جنرل بخیت عتیق الرمیثی نے ملاقات کی ہے۔
ترجمان وزیراعلٰی سندھ عبدالرشید چنا کے مطابق بدھ کو کراچی میں ملاقات کے دوران متحدہ عرب امارات کے قونصل جنرل نے مراد علی شاہ کو سندھ کی وزارت اعلیٰ کا منصب سنبھالنے پر مبارکباد دی۔
ملاقات میں متحدہ عرب امارات کی سندھ میں سرمایہ کاری کے حوالے سے بات چیت کی گئی۔
ترجمان وزیراعلٰی سندھ کا کہنا ہے کہ دونوں رہنماؤں میں اتفاق ہوا کہ متحدہ عرب امارات سرمایہ کاروں کے وفد کو کراچی بلایا جائے گا اور منصوبوں کو حتمی شکل دی جائے گی۔
