ذکاء اللہ محسن کے اعزاز میں عشائیہ

جدہ ( جاوید راہو)اردو نیوز ریاض کے نمائندہ خصوصی ذکاء اللہ محسن کے اعزاز میں معروف صحافی خالد چیمہ نے عشائیہ دیا جس میں جدہ قونصلیٹ کے پریس اتاشی ارشد منیر،افضل جٹ، ملک حمایت علی اور سیٹھ عابد نے شرکت کی۔اس موقع پر پریس اتاشی ارشد منیر کا کہنا تھا کہ سعودی عرب میں پاکستانی صحافیوں نے ہمیشہ مثبت کردار ادا کیا ہے۔کمیونٹی نیوز کے باعث بہت سی معلومات مل رہی ہیں۔کمیونٹی کی جانب سے ہونے والی سرگرمیاں سعودی عرب کے علاوہ پاکستان میں بھی نمایاں ہو رہی ہیں۔ اردو نیوز ہمارا اپنا اخبار ہے۔ اس نے ہمیشہ اردو بولنے والوں کی اچھے انداز میں نمائندگی کی ہے۔

خالد چیمہ نے کہا کہ صحافی معاشرے کی تصویر کشی کرتے ہیں اور سعودی عرب میں ہمارے صحافی بھائی اپنی صحافت کے ذریعے پاک سعودی تعلقات کو فروغ دے رہے ہیں۔ملک حمایت، افضل جٹ اور سیٹھ عابد نے صحافیوں کے کردار کو سراہا۔ اس سے قبل کاء ذکا ء اللہ محسن نے اردو نیوز کے جدہ ہیڈ آفس میں اسٹاف سے ملاقات کی۔