کویت کے ایک ہزار ’’بدون‘‘کیلئے حج ویزے

کویت۔۔۔۔کویتی وزیر اوقاف و اسلامی امور محمد الجبری نے بتایا ہے کہ سعودی عرب نے امسال کویت کے ایک ہزار ’’بدون‘‘کیلئے حج ویزے جاری کئے ہیں۔ بدون سے مراد کویت میں سکونت پذیر وہ لوگ ہیں جن کے پاس کویت سمیت کسی بھی ملک کی شہریت نہیں ۔ الجبری نے بتایا کہ ’’بدون‘‘کو حج کرانے والے نجی ادارے انہیں سعودی عرب سے کویت واپس لانے کے پابند ہونگے۔امسال ان کیلئے 5قافلے ترتیب دیئے گئے ہیں۔ یہ لوگ صرف حج کیلئے سفر کے مجازہونگے۔بری سرحدی چوکیوں کے راستے سعودی عرب میں داخل ہونگے۔ کویت میں متعین سعودی سفیر ڈاکٹر عبدالعزیز الفایز نے کویت کے ایک ہزار بدون کیلئے حج ویزوں کے اجرا کی خبر کی تصدیق کردی ہے۔