السعودیہ نے خصوصی پیشکش کی تردید کردی

حائل ....سعودی عریبین ایئرلائنز (السعودیہ) نے سعودی عرب کے یوم الوطنی کی مناسبت سے داخلی پروازوں پر خصوصی پیشکش کی خبروں کی تردید کردی۔ سوشل میڈیا پر یہ افواہ گردش کررہی تھی کہ السعودیہ نے یوم الوطنی پر داخلی پروازوں کے مسافروںکیلئے خصوصی پیشکش کی ہے۔87ریال میں 2طرفہ ٹکٹ کے دعوے کئے جارہے تھے اور کہا جارہا تھا کہ 2017ءکے آخر تک یہ ٹکٹ استعمال ہوسکیں گے۔ السعودیہ نے اس کی تردید کرتے ہوئے کہا کہ ایسی کوئی پیشکش نہیں کی گئی ۔