فلم بھومی کے ہدایت کاراومنگ کمارکا کہنا ہے کہ سنجے دت اداکارہ سنی لیون کے ساتھ فلم میں اداکاری کے خواہاں ہیں۔ وہ ”ٹرپی ٹرپی“ میں پرفارم کرنے کے خواہشمند تھے تاہم انہیں بڑی مشکل سے باز رکھا۔ سنجے دت نے نہ صرف سنی لیون کے ساتھ کام کرنے کی خواہش کا اظہار کیا بلکہ وہ اس بات پر اڑ گئے کہ وہ کم سے کم ایک گانے میں تو ان کے ساتھ پرفارم کریں گے تاہم ہدایت کار اومنگ کمار نے بڑی مشکلوں سے سنجے دت کوروکا کیونکہ فلم کی کہانی کا تقاضا یہ تھا کہ وہ گانے میں شامل نہ ہوں۔برطانوی میڈیا کے مطابق سنی لیون کا شمار بالی وڈ کی مشہور اداکاراوں میں ہوتا ہے لیکن وہ آج تک کسی بھی فلم میں بڑا اور مرکزی کردار حاصل کرنے میں ناکام رہی ہیں اورفلموں میں صرف آئٹم سانگ یا چھوٹے موٹے کردار ہی ادا کرتی ہیں، فلم بھومی کے ہدایت کار اومنگ کمارنے کہا کہ سنی ایک باصلاحیت اداکارہ ہیں یہاں تک کہ بالی وڈ کے صف اول کے اداکارعامر خان بھی ان کے ساتھ کام کرنے کی خواہش کا اظہار کرچکے ہیں اور سنجے دت نے خود مجھ سے سنی لیونی کے ساتھ گانے میں پرفارم کرنے کی بات کی تھی۔
