کولہاپور :چینی مل میں2گروپوں میں تصادم،متعدد افراد زخمی

کولہا پور۔۔۔۔کولہا پور میں چھترپتی راجہ رام چینی مل کی سالانہ میٹنگ ہنگامے کی نذر ہوگئی۔ کانگریس کے ایم ایل اے ستیج پاٹل اور کانگریس کے سابق ایم ایل اے مہادیو مہا ڈک کے کارکنوں میں لڑائی ہوگئی ۔ ہال میں موجود کرسیوں سے ایک دوسرے پر حملہ کیا گیا جس کے نتیجے میں متعددافراد زخمی ہوگئے۔ اطلاع کے مطابق شوگرمل پر کانگریس کے سابق ایم ایل اے مہادیو کا قبضہ ہے۔ اس میٹنگ میں یکطرفہ فیصلے پر میٹنگ میں شریک بعض افراد نے مخالفت کی اور وہاں موجود کانگریس کے ایم ایل اے ستیج پال چینی مل کے ڈائریکٹر سے الجھ گئے ۔ مہادیو کے کارکنوں نے ستیج کے حامیوں سے گالم گلوج کا معاملہ ہاتھا پائی سے بڑھ کر جھگڑے میں تبدیل ہوگیا، دونوں گروپوں نے جم کر ایک دوسرے پر مکے اور کرسیاں برسائیں جس سے کئی افرادزخمی ہوگئے۔پولیس موقع پر پہنچ کر معاملے کی چھان بین شروع کردی۔