شیر نے رگبی کھلاڑی کا ہاتھ چبا ڈالا، کوچ برہم

لندن:برطانیہ کی ویلز اور اوسپریز کی رگبی ٹیم کو میچ سے قبل جنوبی افریقہ کے گیم لاج کا دورہ مہنگا پڑ گیا۔ہوا یوں کہ ٹیم میں شامل کھلاڑی اسکاٹ بالڈوِن نے شیر کو پیار کرتے ہوئے پنجرے کے اندر سے اس کے سر پر ہاتھ پھیرا تو جواب میں شیر نے اس کا ہاتھ اپنے نوکیلے دانتوں سے چبا ڈالا۔بالڈوِن کے کوچ ا سٹیو ٹینڈے نے اس کے اس عمل پر ناپسندیدگی کا اظہار کیا ہے۔ ان کا کہنا تھا کہ یہ حادثہ ایک بیوقوفانہ اقدام کی وجہ سے ہوا۔انھوں نے کہا کہ اگر آپ اپنا ہاتھ پنجرے کے اندر ڈالیں گے جہاں شیر ہوگا تو کیا ہو گا؟ آپ کا ہاتھ شاید ہی باہر آئے۔کوچ اسٹیو ٹینڈے کا کہنا تھا کہ انھیں نہیں معلوم کہ ا سکاٹ جنگلی جانوروں کی طرز زندگی کو کیسے دیکھتے رہے ہیں کہ شیر کو سر پر تھپتھپانا شروع کر دیا۔ان کا کہنا تھا کہ یہ احمقانہ بہادری ہے جس کا میں بھی کبھی حصہ رہا ہوںتاہم ان کا کہنا کہ شکر ہے اسکاٹ ٹھیک ہے اور اسے صرف ہاتھ پرکچھ ٹانکے لگے ہیں۔ امید ہے وہ کل تک گراونڈ میں واپس آجائے گا۔خیال رہے کہ گزشتہ روز کھیلے جانے والے میچ میںا سکاٹ تو شامل نہیں تھے تاہم اوسپریز کو جنوبی افریقہ نے 25 کے مقابلے میں 44 پوائنٹس سے شکست دے دی جو اس ٹیم کی مسلسل چوتھی شکست تھی۔