لندن۔۔ برطانیہ میں ہیلی کاپٹر اور طیارہ دوران پرواز آپس میں ٹکراگئے جس کے نتیجے میں کم از کم 4افراد ہلاک اور دیگر زخمی ہوگئے۔بکنگھم شائر کی فضاؤں میں ہیلی کاپٹر اور طیارے میں تصادم کے نتیجے میں مزید اموات کا خدشہ ہے جبکہ حادثے کے بعد پولیس اور ریسکیوٹیمیں جائے حادثہ پر پہنچیں اور امداد ی کاموں میں حصہ لیا ویکومب ایئر پارک کے ترجمان کا کہنا ہے کہ فضاء میں ٹکرانے والے دونوں طیارے ہائی ویکومب فیلڈ کی طرف سے آرہے تھے۔حکام کے مطابق دونوں طیارے 1000فٹ کی بلندی پر فضامیں ٹکرائے۔ہیلی کاپٹر میں سوار پائلٹ اور دوسرا شخص اس حادثے میں ہلاک ہوا ہے جبکہ طیارے میں سوار افراد میں 2مسافروں کی ہلاکت کی تصدیق ہوئی۔
