نمائندہ اردو نیوز۔ نئی دہلی
بالی وڈ میں اپنی سنجیدہ اداکاری کیلئے مشہور نوازالدین صدیقی کرش4 کے ممکنہ ویلن ہوسکتے ہیں۔فلم ساز راکیش روشن کرش 4 بنانے کی تیاری میں مصروف ہیں۔اگلے سال کے اواخر تک ہی اس سپر ہیرو فلم کے فلور پر آنے کی امیدہے۔ایسی خبریں ہیں کہ نوازالدین صدیقی کو فلم کرش 4 میں ویلن کے رول کے لئے منتخب کرلیا گیا ہےحالانکہ ایسا بھی سننے میں آرہا ہے کہ اس بار فلم سازوں کی جانب سے کچھ نیا ٹوئسٹ لانے کی پوری تیاری کرلی گئی ہےجس کیلئے کرش کے نئے دشمن، نئے طریقوں سے ذہنی اور جسمانی طورپر نقصان پہنچانے کی کوشش کرتے نظر آئیں گے۔اس کیلئے نواز سے اچھا کوئی انتخاب ہوبھی نہیں سکتا،جو اپنی خاص اداکاری سے ایسے عجیب و غریب کردار میں بھی ایک نیا رنگ بھرنے کے ماہر ہیں۔اس سے پہلے بھی فلم ’کک‘میں ادا کئے گئے ویلن کے رول کیلئے نوازالدین کی بہت تعریف کی گئی تھی۔ ابھی اداکار کی جانب سے اس پیش کش کو ایک طے شدہ مدت کے اندر قبول کرنا باقی ہے،اس لئے ابھی کچھ کہنا قبل از وقت ہو گا۔اس کے علاوہ کرش 4اپنی نئی مرکزی اداکارہ کی تلاش بھی کررہی ہے۔
