گوگل سر چ ایپ کا لائٹ ورژن متعارف کرادیا گیا

گوگل کی جانب سے اینڈرائڈ اور آئی او ایس آپریٹنگ سسٹم رکھنے والے صارفین کے لیے گوگل گو ایپ متعارف کروادی گئی ہے جو کہ دراصل گوگل سرچ ایپ کا ہی لائٹ ورژن ہے۔ ایپ کو متعارف کروانے کا مقصد ڈیٹا کی بچت اور ترقی پذیر ممالک میں خراب انٹرنیٹ سروس میں گوگل سرچ ایپ کے استعمال کو موثر بنانا ہے ۔ ایپ کا حجم 5 ایم بی سے بھی کم رکھا گیا ہے اور اسے 2 جی کنکشنز پر بھی باآسانی استعمال کیا جا سکے گا۔ اس ایپ کو گوگل نے اگست میں آزمائشی بنیادوں پر متعارف کرایا تھا اور اب اسے باقاعدہ صارفین کے لیے پیش کر دیا گیا ہے. صرف یہی نہیں بلکہ گوگل کی جانب سے کم میموری رکھنے والے ڈیوائسز کے لیے اینڈرائیڈ گو آپریٹنگ سسٹم کی تیاریاں بھی جاری ہیں تاکہ زیادہ سے زیادہ صارفین گوگل کے پلیٹ فارم سے جوڑا جا سکے۔