احمد آباد۔۔۔۔گجرات اسمبلی انتخابات کے دوسرے مرحلے میں پاٹیدار تحریک کمیٹی کے رہنما ہاردک پٹیل نے امید ظاہر کی کہ کانگریس موجودہ انتخابات میں 100نشستیں حاصل کریگی۔ بی جے پی کو اپنی شکست کا اندازہ ہوگیا ہے۔ہاردک سے انتخابات لڑنے کے بارے میں سوال پوچھے گئے تو انہوں نے کہا کہ ڈھائی سال بعد فیصلہ کرینگے کہ انہیں انتخابات لڑنا چاہئے یا نہیں۔ صحافیوں سے گفتگو کرتے ہوئے ہاردک کی والدہ نے کہا کہ وہ اپنے بیٹے کے بارے میں خوفزدہ ہیں ۔ہاردک کے والد نے کہا کہ وہ اپنے بیٹے پر یقین رکھتے ہیں ، تمام پاٹیدار ایک دوسرے کے ساتھ ہیں اور ہاردک کی حمایت کیلئے ہمہ وقت تیار ہیں۔واضح ہوکہ ہاردک پٹیل نے گجرات اسمبلی انتخابات میں پاٹیداروں سے کانگریس پارٹی کی حمایت کی اپیل کی ہے۔
