اٹلی ۔۔۔۔۔ اٹلی کی حکومت نے چرچ کی مخالفت کے باوجود ایک قانون کی منظوری دے دی جو مریضوں کو یہ اجازت دیتا ہے کہ وہ زندگی میں اضافہ کرنے والے علاج سے انکار کر سکتے ہیں۔ تاہم چرچ کا کہنا ہے کہ یہ اقدام خودکشی میں معاونت کے مترادف ہے جبکہ اٹلی کی سینٹ نے ’’زندگی کی وصیت‘‘ سے متعلق قانون کی منظوری دی جو ایسے افراد کو علاج معالجے کا تعین کرتا ہے ۔ان مریضوں کو انکار کا حق دیتا ہے جو کبھی نہ ختم ہونے والی بیماریوں میں مبتلا ہیں یا خطرناک طور پر زخمی ہیں۔تاہم بشپ کانفرنس نے نئے قانون کی مذمت کرتے ہوئے کہا کہ اس کے ذریعے ڈاکٹروں کو صحت عامہ سے متعلق ان کی ذمہ داری سے چھوٹ دے دی گئی ہے ۔ واضح رہے کہ اس قانون کو دائیں بازو کی اعتدال پسند حکمران جماعت اور حکومت مخالف فائی اسٹار موومنٹ دونوں کی حمایت حاصل ہے یہ قانون مریض کو نہ صرف علاج بلکہ خوراک اور پانی سے بھی انکار کا حق دیتا ہے جبکہ پوپ فرانس کہہ چکے ہیں کہ مریض کو تکلیف سے نجات دلانے کے لئے ہلاک کرنا غلط ہے ڈاکٹروں کو چاہئے کہ وہ موت کے خلاف لاحاصل جنگ میں مریض کو بہت زیادہ ادویات نہ دیں تاہم اٹلی کے وزیر اعظم پائو لوجینٹی لونی نے اس قانون سازی کو انسانی وقار اور عزت نفس کی جانب ایک قدم قرار دیتے ہوئے توقع ظاہر کی ہے کہ مارچ میں ہونے والے عام انتخابات سے پہلے یہ انکی حکومت کی آخری قانون سازی ہے ۔
