خوبصورت بال حسن کی علامت سمجھے جاتے ہیں اور فیشن کی دنیا میں ایک سے ایک نیا ہیئر اسٹائل اور ہیئر ڈائی متعارف کروائے جا رہے ہیں . براؤن اور سنہری بال جو کبھی انگریزوں کی پہچان تھے اب مشرق میں بھی ہر خاتون کی دسترس میں ہیں . بلونڈ ، گولڈن ، ہنی بلونڈ ، چیسٹ نٹ براؤن اور رنگین ہائی لائٹس ہیئر کلرز نے مشرق اور مغرب کی تفریق کو ختم کر دیا ہے اور یہ تمام رنگ جدید فیشن ٹرینڈ کا حصہ ہیں . لیکن ہر طرح کے فیشن کو محض آنکھیں بند کر کے نہ اپنا لیں . خاص طور پر بال ڈائی کرنے سے پہلے یہ خیال ضرور رکھیں کہ ان ڈائی کا بے حد استعمال بالوں کر کمزور اور خراب کرسکتا ہے . اس بات کا بھی خیال رکھیں کہ آپ کی رنگت کے مطابق کون سا ہیئر کلر آپ پر جچے گا . غلط رنگ کا انتخاب بالوں کے ساتھ ساتھ شخصیت کو بھی ایک مذاق بنا دیتا ہے .
اگر آپ گوری رنگت کے حامل ہیں تو براؤن کے ہلکے اور درمیانے شیڈز ، پلاٹینم بلاونڈ اور لائٹ بلونڈ کا انتخاب کریں جبکہ کوپر ، شہدی اور گولڈن بلونڈ بالکل اختیار نہ کریں . اگر آپ کی رنگت گندمی ہے تو آپ پر ایش براؤن اور پلاٹینم بلونڈ رنگ خوب جچے گا جبکہ سانولی رنگت کی حامل خواتین ڈارک براون سیاہ ، میدیم چاکلیٹ براوٗن ، ایسپریسورنگ اور ماہوگنی ہیئر ڈائز کا انتخاب کریں ۔
یاد رکھیں محض من پسند ہیئر کلر اپنا لینا ہی اعلیٰ ذوق کا اظہار نہیں بلکہ رنگت کے مطابق درست ہیئر ڈائی کا انتخاب بھی ضروری ہے ۔
