بگ بیش: پرتھ اسکوچرز نے پہلی پوزیشن سنبھال لی

میلبورن:مچل جانسن اور اینڈریو ٹائے نے شاندار بولنگ کا مظاہرہ کرتے ہوئے بگ بیش لیگ کے میچ میں میلبورن رینیگیڈز کو3 وکٹوںسے شکست دے کر پرتھ اسکورچرز کوپوائنٹس ٹیبل پر پہلی پوزیشن دلوادی۔دونوں نے3،3وکٹیں لیں۔ میلبورن رینی گیڈز نے پہلے کھیلتے ہوئے 9وکٹوں کے نقصان پر 130رنز بنائے ۔ مچل جانسن اور اینڈریو ٹائے کی بولنگ نے رینیگیڈز کوبڑے اسکور سے روکنے میں اہم کردار ادا کیا۔مچل جانسن کے4اوورز میں صرف13رنز بنے اور ایک اوور میڈن بھی رہا جس کے نتیجے میں انہیں مین آف دی میچ کا ایوارڈ بھی ملا۔پرتھ اسکورچرز نے مطلوبہ ہدف 19اوورز میں7وکٹوں کے نقصان پر حاصل کرلیا۔اوپنر ڈیوڈ ولی اور مائیکل کلنگرنے58رنز کی شراکت کے ساتھ بالترتیب31اور37رن اسکور کئے جبکہ ایڈم ووگز 24رنز کے ساتھ نمایاں رہے۔بریڈ ہوگ نے2وکٹیں لیں۔ اس فتح کے نتیجے میں پرتھ اسکورچرز 3میچوں میں 3فتوحات کے ساتھ لیگ ٹیبل پر پہلی پوزیشن سنبھالنے میں کامیاب ہو گئے۔