لندن..... کہتے ہیں کہ دنیا میں برائی پیدا کرنے اور انسان کو برا بنانے میں سب سے اہم کردار دولت اور بالخصوص ایسی دولت کا ہوتا ہے جو آسانی سے ہاتھ آگئی ہو اور جس کے حصول کیلئے کسی کومحنت کرنے کی ضرورت پیش نہ آئی ہو۔ اس حوالے سے جاری ہونے والی تازہ ترین رپورٹ میں بتایا گیا ہے کہ امیر خاندانوں کے یہ بگڑے ہوئے بچے اور نوجوان اپنے گھروں کے دروازوں اور کھڑکیوں پر سونے کی سلاخیں لگاتے ہیں اور بوقت ضرورت ٹشو استعمال کرنے کے بجائے کرنسی نوٹوں سے کا م چلاتے ہیں جبکہ کھانے پینے کیلئے وہ عام پلیٹ کا استعمال نہیں کرتے بلکہ پلیٹو ںکا کام آئی پیڈ سے لیتے ہیں۔ بگڑے ہوئے دولت مند نوجوانوں کی یہ کیفیت کسی خاص علاقے کے نوجوانوں تک محدود نہیں کیونکہ ایسے بگڑے ہوئے نوجوان دنیا میں ہر جگہ پائے جاتے ہیں۔ ان نوجوانوں کے بارے میں رپورٹ پڑھ کر ایک شخص نے مزاحیہ انداز میں تبصرہ کیا کہ شاید وہ 50یوروکے نوٹ ٹوائلٹ پیپر کے طور پر استعمال کرتے ہوں۔
