انڈین کرکٹر کیلئے انوکھا پیغام

کیپ ٹاون: ہند جنوبی افریقہ کے مابین ٹیسٹ سیریز کے پہلے میچ میں مشکلات کا شکار ہندوستانی کرکٹ ٹیم کے جنوبی افریقہ  میں خشک سالی کے باعث دومنٹ سے زیادہ نہانے پر پابندی لگا دی گئی۔ جنوبی افریقہ کے دورے پر آئی انڈین کرکٹ ٹیم کو خاص اور انوکھا پیغام دیاگیا ہے کہ کیپ ٹاون میں پانی کی شدید قلت کے باعث وہ 2 منٹ سے زیادہ نہ نہائیں۔ پانی سے متعلق یہ نئی پابندی یکم جنوری2018ءکو نافذ کی گئی تھی جبکہ ہند اور جنوبی افریقہ کے درمیان سیریز کا پہلا ٹیسٹ میچ 5جنوری سے شروع ہوا۔کیپ ٹاون میں اس وقت درجہ حرارت 27 ڈگری سینٹی گریڈ تھا اور ہندوستانی کرکٹرز جب ہوٹل پہنچے تو انھیں باضابطہ طور پر پانی کی قلت سے متعلق یہ درخواست کئی پیغامات کے ساتھ ملی۔ مہمان ٹیم انڈیا کے ایسے علاقوں سے تعلق رکھتی ہے جہاں پانی کی کمی کا مسئلہ رہتا ہے اور وہ اس درخواست کو سمجھ سکتے ہیں لیکن نہانے سے متعلق وقت کی پابندی ان کےلئے نئی ہے۔