ہاکی ورلڈ الیون پاکستان کا دورہ کرے گی،شہباز سینئر

لاہور:ہاکی ورلڈ الیون 18 جنوری کو پاکستان کے دورے پر آ رہی ہے۔ برسوں بعد انٹرنیشنل کھلاڑی ہاکی کے میدان آباد کریں گے مگر 8 روز پہلے بھی کوئی خاص گہما گہمی دکھائی نہیں دے رہی۔ سیکریٹری پی ایچ ایف شہباز سینئر کہتے ہیں کہ تمام تر تیاریاں مکمل ہیں۔ خواہش ہے کہ کرکٹ میچز کی طرح شائقین ہاکی میچز بھی دیکھنے آئیں۔ پی ایس ایل کا میلہ دو ماہ بعد سجنا ہے مگر اس کی گونج ابھی سے سنائی دے رہی ہے۔ ہاکی ورلڈ الیون کے دورہ پاکستان کو صرف 7روز باقی ہیں مگر ہر طرف سناٹا ہے۔ اس کے باوجود ہاکی حکام کا کہنا ہے کہ قومی کھیل اپنی پہچان کھو بیٹھا ہے۔ ایونٹ کیلئے میدان سج چکا ہے، ٹکٹوں کا اجرا ءبھی 2 روز میں ہو گا جس کی قیمت صرف 500 اور 1000 روپے ہے۔ مہمان ٹیم کے خلاف2میچز 19 اور 21 جنوری کو کراچی اور لاہور میں شیڈولڈ ہیں۔