دلیپ کمار کے بنگلے پر قبضے کی کوشش

ممبئی۔۔۔۔۔ممبئی پولیس کی کرائم برانچ نے ایک بلڈر کے خلاف دھوکہ دہی کا کیس درج کیا ہے جس نے اداکار دلیپ کمار کے باندرہ میں واقع بنگلے پر مبینہ طور پر قبضہ کرنے کی کوشش کی تھی ۔ ایک اعلیٰ افسر نے بتایا کہ بلڈر میچر بھوجوانی نے اِن 2پلاٹوں پر جھوٹا دعویٰ کیا تھا جن  پر یہ بنگلہ تعمیر کیا گیا ہے۔ واضح ہوکہ دلیپ کمار کا یہ بنگلہ باندرہ کے سمبرانت پالی ہل علاقے میں واقع ہے۔ پولیس نے بتایا کہ بھوجوانی پر شک ہے کہ اس نے بعض جعلی دستاویزات تیار کرلی ہیں۔ اس کے خلاف کیس درج کرکے تحقیقات شروع کردی گئی ہے۔