نئی دہلی۔۔۔۔۔اروند کیجریوال اور ان کے قریبی ساتھی کمار وشواس کے بیچ دوری اب کسی سے پوشیدہ نہیں۔ مہاراشٹر کے احمد نگر میں منعقد کوی سمیلن میں کمار وشواس نے کیجروال پر طنز کرتے ہوئے کہا کہ انا تحریک سے منسلک تمام لوگوں نے سیاست میں اپنی جگہ بنالی ہے اورانا کو ہی بھول گئے۔ وشواس نے انہیں یاددلایا کہ گزشتہ5برسوں میں سیاست میں جتنے بھی چندرگپت پیدا ہوئے ان کی جنم استھلی(جائے پیدائش)انا کا گاؤں رالیگن سدھی ہے لیکن چندر گپتوں کو یاد رکھنا چاہئے کہ چندر گپت تو مٹ گیا لیکن چانکیہ آج بھی ہے ۔واضح ہوکہ انا ہزارے نے اسی ہفتے سے دوبارہ اپنی تحریک شروع کرنےکا اعلان کیا ہے۔
