فلوریڈا..امر یکی ریاست فلوریڈا کے ہائی اسکول میں فائرنگ سے 17 افراد ہلاک اور متعدد زخمی ہوگئے۔میامی کے قریب پارک لینڈ کے ڈگلس ہائی اسکول واقعہ پیش آیا۔ پولیس نے ایک مشتبہ شخص کو گرفتار کرلیا۔ اسکی شناخت 19 سالہ نکلوس کروز کے نام سے ہوئی ہے جو ا سکول کا سابق طالب ہے۔ اسے انضباطی کارروائی میں ا سکول سے نکالا گیا تھا۔ ملزم نے پہلے اسکول کے باہر سے فائرنگ کی جہاں 3 افراد ہلاک ہوئے۔ اس کے بعد عمارت کے اندر داخل ہوکر گولیاں برسائیں ۔عینی شاہدین نے بتایا کہ کہ فائرنگ شروع ہوتے ہی فائر الارم بھی بجنے شروع ہو گیا ۔ کئی طلبہ سمجھے کہ یہ کوئی مشق ہورہی ہے۔ فوٹیج میں فائرنگ کے بعد بھگدڑ اور چیخ و پکار سنی جا سکتی ہے۔ طلبہ خو فزدہ ہو کر جان بچانے کے لئے بھاگنے لگے۔ امریکی میڈیا کے مطابق فائرنگ کے وقت طلبہ کی بڑی تعداد اسکول میں موجود تھی۔ ایف بی آئی نے دہشت گردی کا امکان مسترد کردیا ۔
