پی ایس ایل کے میچز پہلی مرتبہ ہند میں دیکھے جا سکیں گے
لاہور: پاکستان سپر لیگ کی بڑھتی ہوئی مقبولیت نے ہندوستانی شائقین کو بھی اپنی لپیٹ میں لے لیا اورپہلی مرتبہ پی ایس ایل کے میچز ہند میں بھی براہ راست دکھائے جائیں گے۔پاکستان سپر لیگ میں ہندوستانی کھلاڑی تو شامل نہیں لیکن پہلے2سیزن کی شاندار کامیابی کے بعد اب ہند کے کرکٹرز او رشائقین پی ایس ایل دیکھنے کےلئے بے تاب ہیں۔پہلے 2 ایڈیشنز میں ہند میں یہ میچز ٹیلی کاسٹ نہیں کئے گئے تھے لیکن اس بار6 ٹیموں پر مشتمل پاکستان سپر لیگ ہندمیں ڈی ایس اسپورٹس کے تحت ٹیلی کاسٹ اور لائیو اسٹریم ہوسکے گی۔ ڈسکوری کمیونیکیشن چینل کے ذریعے پورا ہندپی ایس ایل کے میچز براہ راست دیکھ سکے گا۔ڈی ایس اسپورٹس کی آفیشل ویب سائٹ کے مطابق پی ایس ایل تھری کے کمنٹری پینل میں رمیز راجہ، ڈینی موریسن ، ایلین وائیکنگز، بازید خان، مائیکل سلیٹر اور ڈیمین فلیمنگ جیسے بڑے نام شامل ہیں۔ ہندوستانی شائقین کرکٹ گیٹ وے ڈاٹ کام کے ذریعے پی ایس ایل کے میچز لائیو اسٹریم بھی کرسکیں گے ۔
