پیشوں کی تبدیلی کے لئے 2ماہ کی مہلت نہیں دی ، وزارت محنت
ریاض: وزارت محنت وسماجی فروغ نے کہا ہے کہ نجی کمپنیوں کو ملازمین کے پیشوں کی تبدیلی کے لئے 2ماہ کی مہلت دینے کی خبر بے بنیاد ہے۔ سوشل میڈیا میں اس حوالے سے جو خبریں گردش کر رہی ہیں ان کی کوئی حقیقت نہیں۔
وزارت محنت نے یہ وضاحت ٹویٹر پر اپنے اکاؤنٹ میں ایک سوال کے جواب میں دی ہے۔ ایک ٹویٹر صارف نے وزارت محنت کے آفیشل اکاؤنٹ پر سوال کیا کہ سوشل میڈیا میں یہ خبر شیئر کی جارہی ہے کہ وزارت محنت نے نجی کمپنیوں کو ملازمین کے پیشوں کی تبدیلی کے لئے2ماہ کی مہلت دی ہے جس کا آغاز اتوار25فروری سے ہوچکا ہے، کیا یہ خبر درست ہے۔
اس پر جواب دیتے ہوئے وزارت محنت نے وضاحت کی کہ یہ خبر درست نہیں۔ واضح رہے کہ گزشتہ دو دن سے یہ افواہ زیر گردش رہی ہے جس کی وزارت محنت نے تردید کردی۔
