نئی دہلی .... ریاست اتراکھنڈ میں چیتے نے ایک 3سالہ بچے پر حملہ کردیا اور اسے کھینچتا ہوا گھنے جنگل میں لے گیا۔ کارن نامی یہ بچہ رات کا کھانا کھانے کے بعد اپنے گھر کے سامنے باغ میں کھیل رہا تھا جبکہ اسکی والدہ چند قدم دور ہی برتن دھو رہی تھی جب اس نے بچے کے رونے کی آواز سنی۔ جب اس نے دیکھا تو حیران رہ گئی کہ ایک چیتا بچے کو گھسٹتا ہوا لیجارہا ہے۔ اس نے لوگوں کو مدد کیلئے پکارا مگر اتنی دیر میں چیتا بچے کو لیجاچکا تھا۔ خبر پھیلنے پر دیہاتیوں میں خوف وہراس پھیل گیا۔ ضلعی اور جنگلات کے عہدیدار بھی موقع پر پہنچ گئے اور بچے کی تلاش شروع کردی۔ ابھی تک بچے کی تلاش جاری ہے۔
