طائف.... شہری دفاع کے ترجمان کرنل ناصر الشریف نے کہا ہے کہ طائف کمشنری میں بارشوں کا سلسلہ جاری ہے۔ شہری اور مقیمین احتیاطی تدابیر اختیار کریں ۔ وادیوں اور نشیبی علاقوں میں قیام سے اجتناب کریں ان مقامات پر سفر نہ کریں جو برساتی پانی کی گزر گاہ ہے ۔ گزشتہ روز ہونے والی بارش کے نتیجے میں طائف کے علاقے وادی وج میں پانی کھڑا ہونے کے باعث ٹریفک کی روانی شدید متاثر ہوئی ۔ محکمہ ٹریفک اور شہری دفاع کے امدادی یونٹس نے نشیبی علاقوں میں پھنسی ہوئی گاڑیاں نکالنے میں مدد کی اور بعض علاقوں میں پھنس جانے والوں کو بھی محفوظ مقام پر منتقل کیا گیا ۔
