چولہے کی چنگاری سے18گھر جل کر راکھ
بارہ بنکی۔۔۔۔چولہے پر کھانا پکاتے وقت نکلنے والی چنگاری سے گھاس پھوس سے بنی جھونپڑی میں آگ لگ گئی ۔ آگ دیکھتے ہی دیکھتے علاقے کی پوری کچی بستی کو لپیٹ میں لے لیا جس سے دلت بستی کے تقریباً18کچے مکانات جل کر راکھ ہوگئے۔اب بستی کے تمام افراد کھلے آسمان تلے آگئے۔ اطلاع ملتے ہی پولیس اور فائر بریگیڈ کی ٹیمیں موقع پر پہنچ گئیں اور آگ بجھانے کی کارروائی شروع کردی۔اطلاع کے مطابق دلت بستی مشری پروا گاؤں میں ٹہلو نامی دلت کی بیوی مٹی کے چولہے پر کھانا پکا رہی تھی کہ اچانک چنگاری اٹھی اور چھپر نما گھرکو اپنی زد میں لے لیا ۔جب تک لوگ کچھ سمجھ پاتے آگ نے بھیانک رخ اختیار کرلیا اور پوری بستی جل کر خاک ہوگئی۔پولیس نے واقعہ کے ذمہ دار کو حراست میں لیکر کارروائی شروع کردی۔ علاقے کے لوگوں نے انسانی ہمدردی کی بنیاد پر متاثرین کو اشیائے خوردونوش اور دیگر سامان فراہم کیا۔
