جرمن پولیس کے چھاپے، 3انسانی اسمگلر گرفتار

برلن..... جرمن پولیس نے انسانی اسمگلروں کے خلاف کارروائی کرتے ہوئے 3 جرمن صوبوں میں ایک ساتھ چھاپے مارے۔ان چھاپوں کے دوران 3 مشتبہ ملزمان کو گرفتار کر لیا گیا جن میں سے 2 جرمن جبکہ ایک روسی شہری ہے۔ ان پر مشرقی یورپی ملک مالدووا کے شہریوں کو رومانیہ کے جعلی پاسپورٹس پر اسمگل کرنے کا الزام عائد کیا گیا ہے۔ بتایا گیا ہے کہ اس نیٹ ورک میں آسڑیا کی ایک سکیورٹی فرم کے وہ5 افراد بھی شامل ہیں، جو ایسے افراد کو بطور سکیورٹی گارڈز ملازمتیں فراہم کرتے تھے۔اس کارروائی میں جرمن پولیس کے 800اہلکاروں نے حصہ لیا پولیس گزشتہ اکتوبر سے اس بارے میں غیر اعلانیہ تفتیش جاری رکھے ہوئے تھی۔