کومیو ایکس 1 نوٹ اسمارٹ فون لانچ

کومیو ایکس 1 نوٹ اسمارٹ فون متعارف کرا دیا گیا ہے۔ اسمارٹ فون میں 6 انچ ایچ ڈی پلس ڈسپلے ، اینڈرائیڈ اوریو آپریٹنگ سسٹم ، کاڈ کور پروسیسر ، 3 جی بی ریم اور 32 جی بی اسٹوریج دیا گیا ہے۔ اسٹوریج کو ایس ڈی کارڈ کی مدد سے 128 جی بی تک بڑھایا جا سکتا ہے۔ اسمارٹ فون کے کیمرہ سیٹ اپ میں پشت پر ایل ای ڈی فلیش کے ساتھ 13 میگا پکسل اور 5 میگا پکسل کے دو کیمرے دیے گئے ہیں۔ فون کا فرنٹ کیمرہ 8 میگا پکسل کا ہے۔فون کی پشت پر فنگر پرنٹ سنسر دیا گیا ہے جو کہ فون کو 0.15 سیکنڈ میں ان لاک کرنے کی صلاحیت رکھتا ہے۔ سنسر کو تصاویر کھینچنے اور اپلیکیشنز تک رسائی کے لیے بھی استعمال کیا جاسکتا ہے۔ فون کی بیٹری 2900 ملی ایمپیئر آورز کی ہے۔ اسمارٹ فون کو نیلے اور سنہرے رنگ میں متعارف کرایا گیا ہے اور اس کی قیمت 9,999 ہندوستانی روپے ہے ۔ فون کو فروخت کے لیے پیش کر دیا گیا ہے۔