ٹیکنو کیمون آئی کلک اسمارٹ فون لانچ‎

ٹیکنو موبائل کی جانب سے ٹیکنو کیمون آئی کلک اسمارٹ فون لانچ کردیا گیا ہے۔ اسمارٹ فون میں 6 انچ آئی ڈی پلس ڈسپلے ، اینڈرائیڈ اوریو آپریٹنگ سسٹم ، اوکٹا کور میڈیا ٹیک ہیلیو پروسیسر ، 4 جی بی ریم اور 64 جی بی اسٹوریج دیا گیا ہے۔ اسٹوریج کو ایس ڈی کارڈ کی مدد سے بڑھانے کی سہولت بھی موجود ہے۔فون کے کیمرہ سیٹ اپ میں ڈوئل ایل ای ڈی فلیش اور اسکرین فلیش کے ساتھ 16 میگا پکسل کا بیک کیمرہ اور 20 میگا پکسل کا فرنٹ کیمرہ دیا گیا ہے۔ فون کی بیٹری 3750 ملی ایمپیئر آورز کی ہے اور اسکا اسٹینڈ بائے ٹائم 420 گھنٹے سے زائد ہے۔اسمارٹ فون کی قیمت 13999 ہندوستانی روپے ہے۔فون کو کالے اور سنہرے رنگ میں متعارف کرایا گیا ہے۔