ایکسٹرا آتشزدگی،سینٹر کا آدھا حصہ جل کر خاک ہوگیا
جدہ: ایکسٹرا میں آتشزدگی کے باعث سینٹر میں موجود 50فیصد سے زیادہ اشیائ جل کر خاک ہوگئیں۔آتشزدگی کے باعث کوئی جانی نقصان نہیں ہوا۔ مکہ مکرمہ ریجن میں محکمہ شہری دفاع کے ترجمان کرنل سعید سرحان نے کہا ہے کہ شہری دفاع کی ٹیمیں سینٹر کی چھت گرنے کے بعد ملبہ ہٹانے میں مصروف ہیں۔
ملبہ مکمل طور پر ہٹانے کے بعد ہی یقین ہوگا کہ آتشزدگی سے کوئی جانی نقصان نہیں ہوا۔آگ کی وجہ سے سینٹر کا آدھا حصہ جل گیا۔ آتشزدگی کے وقت سینٹر گاہکوں سے خالی تھا ۔ اسی لئے امکان یہی ہے کہ اس سے کوئی جانی نقصان نہیں ہوا ہوگا۔ابتدائی اندازے کے مطابق آتشزدگی کا آغاز سینٹر میں داخل ہوتے ہی بائیں جانب سے ہوا تھا۔
