اقوام متحدہ نے یمن امن منصوبے کا مسودہ تیار کرلیا
واشنگٹن۔۔۔۔اقوام متحدہ نے یمن امن منصوبے کا مسودہ تیار کرلیا۔ اس کے بموجب حوثیوں سے کہا جائیگا کہ وہ بیلسٹک میزائل حملے بند کریں۔ ایسا کرنے پر ہی سعودی عرب کی زیر قیادت عرب اتحادی ان پر بمباری بند کردینگے۔مسودے میں عبوری حکومت پر سمجھوتے کی بات بھی کہی گئی ہے۔ باخبر ذرائع کا کہنا ہے کہ ابھی تک یمن امن منصوبے کی تفصیلات جاری نہیں کی گئیں البتہ امن منصوبے کے مذکورہ مسودے میں اس امر کی تاکید کی گئی ہے کہ غیر سرکاری عسکری فریقوں کو بیلسٹک میزائل سمیت تمام بھاری اور درمیانے درجے کے ہتھیار حکومت کے حوالے کرنے ہونگے۔
