ریاض.... متحدہ عرب امارات نے واضح کیا ہے کہ اہل قطر کو امارات سے نکالنے کیلئے 5جون 2017ءسے لیکر تاحال کوئی قانونی یا انتظامی کارروائی نہیں کی گئی ۔ اماراتی دفتر خارجہ نے اعلامیہ جاری کرکے بتایا کہ بیرون ملک مقیم قطری عوام کو امارات آنے کیلئے پیشگی اجازت نامہ لینے کا پابند بنایا گیا ہے۔ یہ پابندی ملکی سلامتی کے تحفظ کی خاطر لگائی گئی ہے۔ اندرون امارات مقیم قطریوں پر ایسی کوئی پابندی نہیں۔
