اسکول میں پائے گئے60خطرناک سانپ
اتوار 15 جولائی 2018 3:00
اورنگ آباد۔۔۔۔اسکول میں ایک دو نہیں بلکہ 60 زہریلے سانپوں کے اکٹھا پائے جانے کے بعد اسکول کے طلبا اور عملے میں خوف و ہراس کی لہر دوڑ گئی۔ روسل وائپر نامی انتہائی زہریلے سانپ ہنگولی ضلع کے بسمت کے پانگرا بوکھاردیہات میں ضلع انتظامیہ کے تحت چلنے والے اسکول کے باورچی خانے میں پائے گئے۔ اسکول میں دوپہر کے کھانے کیلئے کھچڑی تیار کرنے کیلئے جب وہاں موجود خاتون نے لکڑیاں گودام سے نکالیں تو وہاں سانپ کے 2،3بچے نظر آئے۔ جب لکڑیاں ہٹائی گئیں تو وہاں تقریباً60بچے موجود تھے ۔خاتون خوفزد ہ ہوگئی اور انتظامیہ کوبتایا۔ اسکول انتظامیہ نے سپیرے کی مدد سے تمام سانپوں کو وہاں سے نکلوایا۔
