اڈیالہ جیل کی فضائی نگرانی،سیکیورٹی مزید سخت

  راولپنڈی... اڈیالہ جیل میں سابق وزیر اعظم نواز شریف اور مریم نواز کی سیکیورٹی یقینی بنانے کے لئے اڈیالہ جیل کی فضائی نگرانی بھی شروع کردی گئی۔ نواز شریف کو جیل میں بہتر کمرہ الاٹ کردیا گیا۔ انہیں کھانا اور پانی اور دیگر اشیاءچیک کرکے فراہم کی جارہی ہیں۔دریں اثناءنگران حکومت نے نواز شریف کو سہولتیں دینے فراہم کرنے سے متعلق شہباز شریف کے خط کا جواب دے دیا۔ جواب میں کہا گیا کہ قیدیوں کو وہی سہولتیں دی جا رہی ہیں جو سابق حکومت نے فراہم کی ہیں۔ جیلوں کے غسل خانوں کو کیوں ٹھیک نہیں کیا گیا؟۔واضح رہے کہ سابق وزیر اعلی پنجاب اور ن لیگ کے صدر شہباز شریف نے نواز شریف کو جیل میں بہتر سہولتوں کیلئے نگران حکومت کو خط لکھا تھا۔ انہوں نے مطالبہ کیا تھاکہ 3 مرتبہ وزیراعظم رہنے والے نواز شریف کو جیل میں ان کے استحقاق کے مطابق سہو لتیں فراہم کی جائیں۔

 مزید پڑھیں:ہیلی کاپٹر کیس،عمران خان نیب میں پیش نہیں ہونگے