16نیپالی لڑکیاں بازیاب، بیرون ملک روانگی کی تھی تیاری
نئی دہلی۔۔۔۔دہلی خواتین کمیشن کی صدر سواتی نے موصولہ اطلاع پر منیرکا علاقے میں چھاپہ مارا جہاں سے 16لڑکیاں بازیا ب کرائیں ان سب کا تعلق نیپال سے ہے۔اطلاع کے مطابق ان تمام لڑکیوں کو بہلا پھسلاکر دہلی لایا گیا تھا۔تفتیش کے دوران معلوم ہوا کہ ان لڑکیوں کو کویت اور عراق بھیجنے کی تیاری تھی۔ان کے پاسپورٹ ٹریول ایجنٹوں نے چھین کر 16لڑکیوں کوچھوٹے سے کمرے میں قید کررکھا تھا۔ گزشتہ 8ماہ سے یہ کھیل جاری تھا۔ذرائع نے بتایا کہ15دن قبل7لڑکیاں کویت اور عراق بھیجی گئی تھیں۔ پولیس نے واقعہ کی رپورٹ درج کرکے واقعہ کی تحقیقات اور ایجنٹوں کی گرفتاری کی کارروائی شروع کردی۔
