بیوٹی ہیکس کا استعمال ذرا سوچ سمجھ کر
بیوٹی ہیکس کا چرچا تو آپ نے سنا ہو گا . تیز ترین نتائج کے حصول کی خاطر ہر شخص شارٹ کٹ کی تلاش میں ہے اور مسائل کا فوری حل ڈھونڈتا نظر آتا ہے . یہ سوچے سمجھے بغیر کہ یہ ہیکس اسے کس حد تک نقصان پہنچا سکتے ہیں . اگر جلد کی صفائی اور نکھار کے لیے بیوٹی ہیک کی بات کی جائے تو چینی ، نمک اور بیکنگ سوڈا بطور ایکس فولی ایٹر استعمال ہوتے ہیں . انکا مساج چہرے کی جلد سے مردہ خلیات اور گردو غبار کو صاف کرنے میں مدد دیتا ہے . لیکن کیا آپ نے کبھی سوچا کہ یہ جلد کو کس حد تک نقصان پہنچاتے ہیں . یہ قدرتی اجزاء ہیں ، مفید ہیں ، مگر جلد کے لیے نہیں . ان اجزاء کو جلد پر رگڑنے سے جلد زخمی اور سرخ ہو سکتی ہے . یہ چہرے کی جلد کی مناسبت سے سخت اجزاء ہیں . اگر آپ کو چہرے سے مردہ جلد کو صاف کر کے اسے تروتازہ اور چمکدار بنانا ہے تو کسی نرم اور معیاری واش کلاتھ کا استعمال کریں . کلینزنگ کے بعد واش کلاتھ سے چہرہ صاف کرلیں . اس سے مناسب صفائخوی بھی ہو جائے گی اور جلد بھی محفوظ رہے گی .
