لاہور ..... پیپلز پارٹی کے سینیئر رہنما خورشید شاہ نے کہا ہے کہ اپوزیشن کے2 امیدوار ہونے کا فائدہ حکومت کو ہو رہا ہے، ہم سیاستدان ہیں مایوس نہیں ہوتے ہمیں سیاسی شعور دکھانا ہو گا۔انھوں نے کہا کہ آخری وقت تک ایک امیدوار کی کوششیں جاری رکھیں گے۔پیپلز پارٹی کے شریک چیئرمین آصف زرداری مرکزی رہنمااعتزاز احسن کےلئے کلیدی کردار ادا کرنے کےلئے پرعزم ہیں۔پیپلز پارٹی پنجاب کے صدر قمرزمان کائرہ کا کہنا ہے کہ اعتزاز احسن سے بہترصدارتی امیدوارنہیں ہوسکتا۔صدرکاعہدہ اب بڑے اختیارات کاحامل نہیں۔امید ہے فضل الرحمان ہماری دستبردارہونے کی درخواست مان لیں گے۔
