شفاء الطائف میں غیر قانونی بیکری سربمہر

طائف.... طائف میونسپلٹی کے ماتحت الشفاءبلدیہ نے صحت ضوابط کی خلاف ورزی پر ایک بیکری کو سربمہر کردیا۔ بلدیہ کے انسپکٹرز نے ریستورانوں ، مطابخ ، کھانے پینے کی اشیاءفروخت کرنے والی دکانیں، بیکریوں اور بوفیہ جات پر 55 سے زیادہ چھاپے مارے تھے۔ ایک بیکری میں صفائی کا معیار ناقص پائے جانے پر اسے بند کردیا گیا۔ جرمانہ بھی عائد کیاگیا۔ بلدیہ کے عہدیدار نے عاجل ویب سائٹ کو بتایا کہ کھانے پینے کی اشیاءسے تعلق رکھنے والے تما م مراکز پر صبح و شام چھاپے مارے جائیں گے۔ کارکنان کے ہیلتھ کارڈ بھی چیک ہونگے۔