بلا اجازت ”حجامہ“ کرنے والا غیر ملکی پکڑا گیا

ریاض ... یہاں محکمہ پولیس نے وزارت صحت کے تعاون سے بلا اجازت حجامہ کرنے والے غیر ملکی کو رنگے ہاتھوں گرفتار کرلیا۔ وزارت صحت نے ٹویٹر کے اپنے اکاﺅنٹ پر اسکی اطلاع دیتے ہوئے واضح کیا کہ غیر ملکی سوشل میڈیا پر اپنے ہنر کا پروپیگنڈہ کررہا تھا ۔ اسے گرفتار کرکے پبلک پراسیکیوشن کی تحویل میں دیدیا گیا۔ وزارت صحت نے مقامی شہریوں سے مطالبہ کیا ہے کہ اگر وہ اس قسم کی غیر قانونی سرگرمی میں کسی کو ملوث پائیں تو937پر رابطہ کرکے مطلع کریں۔