مستقبل میں مزید فتوحات حاصل کرونگا، عامر خان

برمنگھم : پاکستان نژاد باکسر عامر خان نے کہا ہے کہ وہ اپنی اس کامیابی پر بہت خوش ہیں۔ انہوں نے کہا کہ سیموئیل ورگاس اچھا فائٹر ہے۔ اس فائٹ سے بہت کچھ سیکھنے کا موقع ملا ، اپنی کارکردگی پر بہت خوش اور مطمئن ہوں۔ عامر خان نے کہا کہ فائٹ کے دوران انہوں نے اپنی تمام تر توجہ فائٹ پر مرکوز رکھی اور مکوں کا استعمال ٹھیک وقت پر کرتے ہوئے کامیابی اپنے نام کی۔ اس موقع پر اہل خانہ نے بھی عامر خان کی فتح پر خوشی کا اظہار کیا، ان کی والدہ فلک خان کا کہنا تھا کہ وہ اپنے بیٹے کی کامیابی پر بہت خوش ہیں جبکہ بہن ماریہ خان نے کہا کہ عامر بھائی کی فتح کےلئے سب دعا کر رہے تھے جس کا نتیجہ انکو فتح کی صورت میں ملا ہے۔ باکسر عامر خان کے والد شاہ خان نے کہا کہ عامر نے 12 راونڈز کی تیاری کی ہوئی تھی۔ انہوں نے کہا کہ فائٹ کے دوران عامر کی کارکردگی بہت اچھی رہی جس پر وہ بہت خوش ہیں تاہم انہوں نے کہا کہ عامر خان کو ابھی مزید محنت کرنا ہوگی۔ انہوں نے کہا کہ عامر کی خواہش ہے کہ وہ ایک اور ورلڈ ٹائٹل جیتنے میں کامیاب ہوں، اس مقصد کے حصول کےلئے مزید محنت کرنا ہوگی۔

کھیلوں کی مزید خبریں پڑھنے کیلئے واٹس ایپ اسپورٹس گروپ جوائن کریں