تنازعات اور موسمیاتی شدت سے دنیابھر میں بھوک بڑھ رہی ہے

نیویارک ۔۔۔اقوام متحدہ نے متنبہ کیا ہے کہ موسمیاتی شدت کے باعث دنیا بھر میں بھوک بڑھ رہی ہے ۔ اقوام متحدہ کے اہم اداروں کی سالانہ رپورٹ میں کہا گہا ہے کہ تنازعات اور موسمیاتی شدت کے باعث دنیا بھر میں مسلسل 3 سالوں سے بھوک بڑھ ر ہی ہے  جس کے باعث  2030 ء تک بھوک سے دنیا کو نجات دلانے کی کوششیں بھی شدید خطرے سے دوچارہورہی ہیں ۔ رپورٹ کے مطابق 2017 میں خوراک سے محرومی کا شکار افراد کی تعداد بڑھ کر82 کروڑ 10 لاکھ ہو گئی جو 2016 ء میں  80کروڑ 40 لاکھ تھی ۔ یہ رپورٹ جاری کرنے والے اقوام متحدہ کے اداروں میں عالمی ادارہ برائے خوراک وزراعت، زرعی ترقی کا بین الاقوامی ادارہ، ورلڈ فوڈ پروگرام ، یونیسیف اور عالمی ادارہ صحت شامل ہیں ۔