بھاشا ڈیم حد بندی کیس میں نوٹس

  اسلام آباد...سپریم کورٹ نے دیامر بھاشا ڈیم کی اراضی کی حدبندی کے لئے فریقین کو نوٹسز جاری کردئیے۔ پیر کو چیف جسٹس کی سربراہی میں دیامربھاشا ڈیم کی خیبرپختونخوا اور گلگت بلتستان میں حد بندی کے معاملے پر سماعت ہوئی۔ ایڈووکیٹ جنرل گلگت بلتستان نے بتایا کہ گلگت بلتستان پاکستان کی آئینی حدود میں نہیں جس سے ڈیم کی رائلٹی کا مسئلہ بن رہا ہے۔ چیف جسٹس نے استفسار کیا کہ اس مسئلے کا فیصلہ کون کرے گا؟ ایڈووکیٹ جنرل نے کہا کہ ہمیں وقت دے دیں۔ اس معاملے پر جواب جمع کرا دیں گے۔چیف جسٹس نے کہا کہ گلگت بلتستان کا پاکستان پر حق ہے ۔گلگت بلتستان رائلٹی کا معاملہ سپریم کورٹ مین چیلنج کرسکتا ہے۔ جسٹس اعجاز الاحسن نے ریمارکس دئیے کہ رپورٹ کے مطابق منصوبے کی ایک ٹربائن خیبرپختونخوا میں آتی ہے۔بعد ازاں عدالت نے ڈیم اراضی کے معاملے پر فریقین کو نوٹسز جاری کرتے ہوئے 15 دن میں جواب طلب کرلیا۔