ہاتھوں اور پیروں کی حفاظت
خوبصورتی کا تعلق صرف چہرےسے نہیں بلکہ ہاتھوں اور پاؤں کی مناسب دیکھ بھال اور صفائی بھی حسن کا تقاضا ہے . ہاتھوں اور پاؤں کی سخت ، کھردری اور خشک جلد سے نجات حاصل کرنے اور اسے نرم و ملائم بنانے کے لیے ہر بار ہاتھ پاؤں دھونے کے بعداور رات کو سونے سے پہلے کسی معیاری لوشن کا استعمال کریں . اپنی غذاپر دھیان دیں . پانی زیادہ سے زیادہ پیئیں . پھل اور سبزیوں کا کثرت سے استعمال کریں . گاجر ، ٹماٹر ، بادام اور پالک کا استعمال جلد کی خوبصورتی اور صحت کے لیے بہترین ہے . اسکے علاوہ زیتون کا تیل ایک کھانے کا چمچ ، بادام کا تیل ایک کھانے کا چمچ ، مکھن آدھا چائے کا چمچ اور بالائی آدھا چمچ اچھی طرح مکس کرکے رات میں ہاتھوں اور پیروں پر لگائیں . اس سے نہ صرف خشکی دور ہو گی بلکہ جلد بھی نرم و ملائم ہو جائے گی .
