فیشن میں اندھی تقلید سے بچیں

 کچھ عرصہ پہلے تک  فیشن صرف ایک خاص طبقے  کے لیے تھا آج یہ ضرورت بن گیا ہے .  لیکن افسوس ناک بات یہ ہے کہ لوگ فیشن کے پیچھے دیوانے ہو جاتے ہیں .  نیا فیشن چل پڑتا ہے  تو دیکھا دیکھی بہت سے لوگ اسکی تقلید  کرنے لگتے ہیں .  فیشن کے حوالے سے  ضروری بات یہ ہے کہ  اس میں کامیابی کا دارومدار حسن اور عمرسے منسلک ہوتا ہے .  یعنی ایک مخصوص قسم کا واضح  تناسب  درکارہوتا ہے جس سے  شخصیت ابھرتی ہے  جبکہ توازن کے بغیر  یہ تاثر  ماند پڑ جاتا ہے اور شخصیت کو نقصان پہننچتا ہے  .  لہذا ضروری ہے کہ آپ   فیشن کا انتخاب سوچ سمجھ کر کریں  اور بھیڑ چال سے گریز کریں .  فیشن اپناتے وقت نقالی سے بچیں  . مثال کے طور پر اگر آپ کا جسم موٹا ہے تو آپ کو ڈھیلا لباس نہیں پہننا چاہیے  اسی طرح بہت بھاری اور چمکدار زیورات بھی نہیں پہننے چاہییں  . فیشن کی اندھی تقلید سے  ایک طرف تو آپ کا بجٹ متاثر ہوتا ہے  اور دوسری طرف آپ کی شخصیت ایک تماشہ بن جاتی ہے .   فیشن اپناتے وقت اس بات کا خیال رکھیں کہ وہ آپ پر جچے گا یا نہیں .   لباس اور زیورات کا مقصد  اپنے آپ کو پروقار اور موثر کن  بنانا ہوتا ہے  .  غلط قسم کی چوائس سے سوائے شرمندگی کے اور کچھ حاصل نہیں ہوتا .