ایشین ہاکی چیمپئنزٹرافی؛ پاکستان سیمی فائنل میں پہنچ گیا

عمان : ایشین چیمپئنز ٹرافی ہاکی ٹورنامنٹ میں پاکستان اور جاپان کا مقابلہ 1-1 گول سے برابر ہوگیا جبکہ گرین شرٹس نے 7پوائنٹس مکمل کر کے ٹورنامنٹ کے سیمی فائنل کیلئے کوالیفائی کرلیا۔عمان کے شہر مسقط میں جاری ٹورنامنٹ میں پاکستان اور ایشین گیمز کی ونر ٹیم جاپان کے درمیان اہم میچ کھیلا گیا جس میں جاپان کی ٹیم کے کیتازاتو نے کھیل کے 12 ویں منٹ میں گول کر دیا،کھیل کے 25 ویں منٹ میںپاکستان ٹیم کو ملنے والے پہلے پنالٹی کارنر پر مبشر علی نے گیند کو گول میں پھینک کر مقابلہ1-1 گول سے برابرکر دیا۔میچ کے تیسرے اور چوتھے کوارٹرمیں دونوں ٹیمیں بھرپور کوشش کے باوجود گول کرنے میں ناکام رہیں۔ پاکستان ٹیم نے ٹورنامنٹ میں اپنے4 میچ کھیل کر 7پوائنٹس کے ساتھ سیمی فائنل کیلئے کوالیفائی کر لیا۔ پاکستان کا آخری لیگ میچ ملائیشیا سے ہوگا۔ہند اور ملائیشیا کی ٹیمیں پہلے ہی سیمی فائنل کیلئے کوالیفائی کر چکی ہیں۔

 کھیلوں کی مزید خبریں پڑھنے کیلئے اردونیوز " واٹس ایپ اسپورٹس" گروپ  جوائن کریں