ایشین ہاکی چیمپیئنزٹرافی:عمان سے مقابلے میں پاکستان کی 1-8 گول سے فتح
عمان: ایشین ہاکی چیمپیئنز ٹرافی میں پاکستان نے اپنے تیسرے میچ میں عمان کو یکطرفہ مقابلے کے بعد ایک کے مقابلے میں8 گول سے شکست دے کر ایونٹ میں دوسری کامیابی حاصل کر لی۔علیم بلا ل نے ہیٹ ٹرک کی۔ مسقط میں کھیلے جا رہے ایشین ہاکی چیمپیئنز ٹرافی کے میچ میں پاکستان نے شروع سے ہی جارحانہ کھیل پیش کیا اور میزبان عمان کی ٹیم کے خلاف تابڑ توڑ حملے کیے۔پاکستا ن کے علیم بلال نے پہلے کوارٹر میں گول کر کے برتری حاصل کر لی۔ دوسرے ہاف میں مزید بہتر کھیل پیش کیا اور 18ویں منٹ میں علیم بلال نے ہی دوسرا گول کردیا۔ 4منٹ بعد عرفان جونیئر نے گیند کو جال میں پھینک کر برتری 0-3 کردی جبکہ 26ویں منٹ میں عماد بٹ نے چوتھا گول کر دیا۔ ہاف ٹائم پر پاکستان کو 0-4 کی برتری حاصل تھی۔تیسرے کوارٹر میں عرفان سینیئرنے اپنا پہلا اور ٹیم کاپانچواں گول کردیا جبکہ 39ویں منٹ میں علیم بلال نے ایک اور گول کر کے ہیٹ ٹرک کرنے کا اعزاز حاصل کرلیا۔ تیسرے کوارٹر میں ہی ابوبکر محمود نے گول ایک مزید گول کردیا اور اسکور 0-7ہوگیا۔چوتھے اور آخری کوارٹر میں محمد عتیق نے 8واں گول داغ دیا ۔اس کے بعد پاکستانی کھلاڑیوں نے قدرے آرام سے کھیلنا شروع کیا جس کا فائدہ اٹھاتے ہوئے میزبان ٹیم کے محمد ال لواتی نے خوبصورت موو بناتے ہوئے اپنی ٹیم کی جانب سے پہلا گول کردیا اور آخروقت میں اسکور 1-8کردیا۔ ایونٹ کے پہلے میچ میں گرین شرٹس نے جنوبی کوریا کوایک کے مقابلے میں 3گول سے شکست دی تھی جبکہ ہند نے 1-3سے مقابلہ کرتے ہوئے پاکستان سے میچ جیت لیا تھا۔ پاکستان اپنا چوتھا میچ 24اکتوبر کو ایشین چیمپیئن جاپان کے خلاف کھیلے گی۔
کھیلوں کی مزید خبریں پڑھنے کیلئے اردونیوز " واٹس ایپ اسپورٹس" گروپ جوائن کریں
